తాళాలగుత్తి.....

సాకీ:
గల గల చప్పుడు..తళ తళ మెరుపులు..
అరచేతిలో భద్రం..భద్రత మొత్తం
ఏవిటో చెప్పు...?
.....................
ఇంకేవిటీ...తాళాలగుత్తి.....
ఇది పోయిందా...నువ్ గో....విందా.....

పల్లవి:
మేను మెరుపులతో ఆకర్షిస్తావు...
మనుషులకు నువ్ మత్తెక్కిస్తావు..
లోహ రూపమునున్న లోభివి నువ్వు..
లోకమంతటిని దాసుని కావించావు..

చరణాలు:
ప్రాణం లేని తుక్కువే..ఐనా..మా ప్రాణాలన్నీ నీవే...
వేళ గాని వేళ వేధిస్తావ్..చిక్కక...
వెతికి వెతికి చూడ..విసుగొచ్చేదాకా...
ఎంత గర్వం నాకు..
నిన్నలా వేలికి పెట్టి తిప్ప...
పట్టుజారి నా పరువు తీయకు సుమా...||మేను మెరుపులతో||

అధికార ప్రతిరూపానివే..అత్తగారి అభరణానివే...
కోడలమ్మ కోరిక పై..
కొంగులోన మురిసేదెన్నడమ్మా...
వేలెడంత లేకున్నా..వేన వేలు దాస్తావు...
గుడి కానీయ్... బడి కానియ్..విలువలేనిదెక్కడ...
దేవుడికే..నువ్ కావలి...అందుకే మాక్కూడా కావాలి... ||మేను మెరుపులతో||

ఊరంత డోరైనా..నీ సైగ ఉండాలి...
నీవు లేక మేం తెరవ తరమా...
విర్రవీగిపోకుమా..నీకంత లేదులే..మా చోర..
ఘనుల ముందు నువ్ దిగదుడుపే...
ఇదిగో చెబుతున్న...వత్తి వత్తి...
పొగరు తగ్గించుకోవే..తాళాలగుత్తీ..||మేను మెరుపులతో||