యవ్వనాల కోనలో
జారుతున్న జలపాతం నీసోయగం
పొంగుతున్న అందాలే
అందుకుంటే ఆనందం నాజన్మధన్యం -
నీ వయసే- కాపుకొచ్చెలే..మ్మా
నీ మనసే- నాకు ఇచ్చిపో..మ్మా
నిను ముద్దాడ ముందుకొచ్చే..ముద్దబంతులే..
నిన్ను తాకి మురిసిపోగ..నేల రాలే చినుకులే..
నీ వెలుగు చూసి తెల్లబోయే..వెన్నెలమ్మ నేడే..
అందీ అందని అందమా నిను చేరే భాగ్యమెపుడే ..
అందనంత దూరమా...ఆగడాలు చాలుమా..అందుకోవే నా ప్రేమ....||యవ్వనాల కోనలో||
నీ పసిడి సింగారం చూసి తలవంచే...బంగారమే....
నీ పరవళ్ళు గని చిన్నబోయెను...సెలయేరే...
నీ కనులు చూసి కన్నుమూసే...కలువలే...
మరి అన్ని సోయగాలు ఒక్కచోట కూడితే.....
మనసుని ఆపతరమా... నీ దరి చేరే దారి తెలుపుమా...ఓ ముద్దు గుమ్మా..||యవ్వనాల కోనలో||
మువ్వల పట్టీలతో...నాన్న గారాల పట్టివే...
అమ్మ గోరుముద్దతో..అచ్చమైన పాపవే...
నట్టింట నడయాడు నువ్..మహాలక్ష్మివే..
ఇహ తాళలేనే..నా హృదయ రాణి నీవే...
గుండెలోన గుడి కట్టా ...అడుగుపెట్టి నా మనసు నైవేద్యం ఆరగించవే....||యవ్వనాల కోనలో||
గమనిక: ఈ పాటలోని పల్లవిని రచించింది శ్రీనివాస రెడ్డి గారు...
No comments:
Post a Comment