నా పాటలు, కవితలు, నానోలు.... ఇవన్నీ..కొన్ని సందర్భాల్లో నాకు తోచినవి,నేను ఊహించుకున్నవి, అనుకున్నవి.. కలాన్ని దులిపి ఆ (నా) సాహిత్య రసాన్ని మీపై పన్నీరు గా వెదజల్లుతున్నా....... చదివి మీ అభిప్రాయాల్ని వెలిబుచ్చుతారని ఆశిస్తూ.... - మీ శ్రీవాణి...
Tuesday, September 20, 2011
Friday, September 16, 2011
తాళాలగుత్తి.....
సాకీ:
గల గల చప్పుడు..తళ తళ మెరుపులు..
అరచేతిలో భద్రం..భద్రత మొత్తం
ఏవిటో చెప్పు...?
.....................
ఇంకేవిటీ...తాళాలగుత్తి.....
ఇది పోయిందా...నువ్ గో....విందా.....
పల్లవి:
మేను మెరుపులతో ఆకర్షిస్తావు...
మనుషులకు నువ్ మత్తెక్కిస్తావు..
లోహ రూపమునున్న లోభివి నువ్వు..
లోకమంతటిని దాసుని కావించావు..
చరణాలు:
ప్రాణం లేని తుక్కువే..ఐనా..మా ప్రాణాలన్నీ నీవే...
వేళ గాని వేళ వేధిస్తావ్..చిక్కక...
వెతికి వెతికి చూడ..విసుగొచ్చేదాకా...
ఎంత గర్వం నాకు..
నిన్నలా వేలికి పెట్టి తిప్ప...
పట్టుజారి నా పరువు తీయకు సుమా...||మేను మెరుపులతో||
అధికార ప్రతిరూపానివే..అత్తగారి అభరణానివే...
కోడలమ్మ కోరిక పై..
కొంగులోన మురిసేదెన్నడమ్మా...
వేలెడంత లేకున్నా..వేన వేలు దాస్తావు...
గుడి కానీయ్... బడి కానియ్..విలువలేనిదెక్కడ...
దేవుడికే..నువ్ కావలి...అందుకే మాక్కూడా కావాలి... ||మేను మెరుపులతో||
ఊరంత డోరైనా..నీ సైగ ఉండాలి...
నీవు లేక మేం తెరవ తరమా...
విర్రవీగిపోకుమా..నీకంత లేదులే..మా చోర..
ఘనుల ముందు నువ్ దిగదుడుపే...
ఇదిగో చెబుతున్న...వత్తి వత్తి...
పొగరు తగ్గించుకోవే..తాళాలగుత్తీ..||మ ేను మెరుపులతో||
Tuesday, September 13, 2011
లాలిపాట ......
ఆటలింక చాలు కన్నా..ఆగడాలు మాను నాన్నా..
అల్లిబిల్లి ఊసులతో..అలసిపోయే..తమరెంతో...
ఆదమరచి నిదురపోయె..వేళ కూడ దాటిపోయే...
అలసిన కిట్టయ్యకు నాన్న గుండె పానుపాయే...
తప్పటడుగులేస్తే తప్పుకాదురా చిన్నా..
తప్పుటడుగేసావో...చిన్నబోవు మీ నాన్న..
కొండంత ఎదగాలి....కోరుకుంది పొందాలి..
రాబోయే..కాలానికి రాజు నువ్వే కావాలి...
అందాకా నువ్ అన్నీ నేర్చాలి..అమ్మ గన్న కలలను నెరవేర్చాలి..||ఆటలింక||
ఇల్లు పీకి పందిరేసి.. బోసి నవ్వు రువ్వేవు..
ఉరిమి చూడ..పరుగు తీసి అమ్మ చాటు చేరేవు...
వద్దురా చిన్ని తండ్రీ ..పడుకో పద ఇంక...
పాడుకళ్ళు పడకుండా..బజ్జో నా వెనుక...
పాలబుగ్గల పసివాడా...వెన్నెలమ్మ నీ తోడా..నిదురపో నా నాన్నా నిదురపోరా...||ఆటలింక||
పసిపాదాలతో...పావనమే నా ఇల్లు...
వసివాడని నవ్వులతో..స్వర్గమిలా చాలు...
లోకం తీరు చూసావా..నరక కూపాలు...
అందుకో అమ్మకొంగు అభయహస్తాలు..
హాయిగా నిదురపో..కమ్మనైన కలలతో..ఆశిస్సులు నీకు... వర్ధిల్లు వెయ్యేళ్ళు...||ఆటలింక||
Monday, September 12, 2011
ప్రేమ లేని ప్రేమగీతం ......
సాకీ:
నీ అడుగుల సడి వినగానే నా..గుండె సవ్వడి...హెచ్చింది ..
నీ తలపు రాగానే..మది తలుపు తెరుచుకుంది..
ఓ మగువా..నా..మనసు మాటలు వినవా.....
పల్లవి:
వేయి జన్మలైనా..వేచి చూస్తా ప్రియా..
వేలందుకుని నడిపించగా నడిచొస్తా...సఖీ..
విధినైనా..విదిలిస్తా.. నిను చేరే దారిలో..
వేరు కాదు మనం జన్మ జన్మలలో ......
చరణాలు:
అనంతమైన అందమా..అందుకోమ్మా..
అంతులేని ఆరాటమా..నా అంతరంగమా..
అర్ధం చేసుకోమ్మా...ఆదరించుమా..
ఆవిరైన మాటల్లొ..అంతరార్ధమా..
ఆశలన్ని మూటగట్టి..ఆడుకోకుమా...
ఇదేమిటమ్మా..నీ మహిమా,..నాకు నేనే చిక్కనమ్మా.. ||వేయి జన్మలైనా||
నువ్వే నువ్వే నా..మది గెలిచావే...
నీ తలపుల జడిలో నను తడిపావే..
నా గుండె గుడిలో...అడుగేయవే..
కడదాకా..కలసి నీతో.. సాగనీయవే...
ఒక్కసారి ఊ కొట్టు..
నిను చేరాలని చెలరేగే నా మనసుని.. నీ చేత్తో...జోకొట్టు...||వేయి జన్మలైనా||
ఆకాశమంతటి మనుసు నాదిలే..
అందులోన నీ రూపు హరివిల్లు కాదులె..
ఆద్యంతం నీవే.. నా ఉదయ భానువే...
నా హృదయరాణివే..విరించి వరానివే...
వరించి నిలుపుకోవే..నా ప్రాణము నీవే...
చలించి..చూడు చెలీ వడివడి.....నా..యదలో ఈ అలజడి... ||వేయి జన్మలైనా||
నువ్ ఔనంటే చాలు ఆనందభాష్పాలు..
కాదంటె కొమ్మ..కన్నీటి వరదలు..
కళ్ళలోన కొలువున్నీ వదనం చూడు..
కాటికేగు నేను..కాదను నేడు..
కాలదోషమేది.. కపటిని కాను..
కావ్యమంటి నిన్ను....కంటి పాపలా..కాచుకొందును...||వేయి జన్మలైనా||
Sunday, September 11, 2011
నానోలు......
విజయం
మజిలీ
ఆపకు
ప్రయాణం
సిగరెట్
మద్యం
ఫేస్ బుక్
వ్యసనాలు
అన్నీ
విను
నచ్చింది
చెయ్
పుష్పకవిమానం
కాలేజిలో
నా
బైక్
ప్రతి
రోజు
హాజరు
థియేటర్లో
మనసు
చెడ్డది
మాట
వినదు
కన్నీటికి
టిష్యూ
పేపర్
కాలం
అగ్ని
కంటే
పవిత్రం
సీతమ్మ
గ్రౌండ్లో..
ఎదురీత..
ఇంగ్లాండ్లో
టీమిండియా
స్వరం
వరం
ఘనం
బాలు..
Thursday, September 08, 2011
నానోలు....
ఆకలి
లేదు
అమ్మ
ఉంది
త్వరణం
తరుణం
మరణం
శిరస్త్రాణం
నా
అరచేతిలో
చందమామ
గోరింటాకు
ఎర్రటి
అమృతం
జాడీలో
ఆవకాయ్
చెత్తబుట్ట
నిండిపోయింది
కుదర్లే
ప్రేమలేఖ..
Tuesday, September 06, 2011
నానోలు...
మానవమృగం
మృగం
పరువు
పోయింది
మనసు
మెదడు
భిన్న
ధ్రువాలు
అమ్మ
నాన్న
ఒక్కరిలో
అన్నయ్య
అసత్యం
వధ
"గాలి"
చెర
విద్య
వినయం
సంస్కారం
ఆభరణాలు
మృగం
పరువు
పోయింది
మనసు
మెదడు
భిన్న
ధ్రువాలు
అమ్మ
నాన్న
ఒక్కరిలో
అన్నయ్య
అసత్యం
వధ
"గాలి"
చెర
విద్య
వినయం
సంస్కారం
ఆభరణాలు
Monday, September 05, 2011
యవ్వనాల కోనలో.....
యవ్వనాల కోనలో
జారుతున్న జలపాతం నీసోయగం
పొంగుతున్న అందాలే
అందుకుంటే ఆనందం నాజన్మధన్యం -
నీ వయసే- కాపుకొచ్చెలే..మ్మా
నీ మనసే- నాకు ఇచ్చిపో..మ్మా
నిను ముద్దాడ ముందుకొచ్చే..ముద్దబంతులే..
నిన్ను తాకి మురిసిపోగ..నేల రాలే చినుకులే..
నీ వెలుగు చూసి తెల్లబోయే..వెన్నెలమ్మ నేడే..
అందీ అందని అందమా నిను చేరే భాగ్యమెపుడే ..
అందనంత దూరమా...ఆగడాలు చాలుమా..అందుకోవే నా ప్రేమ....||యవ్వనాల కోనలో||
నీ పసిడి సింగారం చూసి తలవంచే...బంగారమే....
నీ పరవళ్ళు గని చిన్నబోయెను...సెలయేరే...
నీ కనులు చూసి కన్నుమూసే...కలువలే...
మరి అన్ని సోయగాలు ఒక్కచోట కూడితే.....
మనసుని ఆపతరమా... నీ దరి చేరే దారి తెలుపుమా...ఓ ముద్దు గుమ్మా..||యవ్వనాల కోనలో||
మువ్వల పట్టీలతో...నాన్న గారాల పట్టివే...
అమ్మ గోరుముద్దతో..అచ్చమైన పాపవే...
నట్టింట నడయాడు నువ్..మహాలక్ష్మివే..
ఇహ తాళలేనే..నా హృదయ రాణి నీవే...
గుండెలోన గుడి కట్టా ...అడుగుపెట్టి నా మనసు నైవేద్యం ఆరగించవే....||యవ్వనాల కోనలో||
గమనిక: ఈ పాటలోని పల్లవిని రచించింది శ్రీనివాస రెడ్డి గారు...
Sunday, September 04, 2011
ఉపాధ్యాయుల దినోత్సవం..
కనిపించే
మూడో
దైవం
గురువు
అమ్మ
ఒడి
మొదటి
బడి
జ్ఞానం
ఆకలి
గురువు
భోజనం
__అందరికీ..ఉపాధ్యాయుల దినోత్సవ శుభాకాంక్షలు...
Subscribe to:
Posts (Atom)