వద్దనకు వద్దనకే చెలి...

వద్దనకు వద్దనకే చెలి...
వద్దకు చేరే వేళ ఇది..
పొమ్మనకు పొమ్మనకే సఖి..
పొగలు కక్కే వయసిది..

సాయంత్రానా...నీ సరసకు రానా..
విరహపు వేళా.. నీ తోడును కానా..
విసిరేయకే..వలపునిలా..
విసిగించకే నువ్ రాక్షసి లా...
నీ అందం చూస్తూ ఆగేదెలా..
ఇహ అలకలు మాని రావే పిల్లా..||వద్దనకు||

ఈ జీవితమంతా..నీ దాసుని కానా..

నా మనసుకు దాహం తీర్చగ రావా...

చిరు కోపంతో నువ్ చూసే వేళా..
రేకెత్తే నాలో కోర్కెల హేల..
పంటి బిగువున...నీ చిరు పెదవి..
నలగనీయకే..నా సొత్తులవి..||వద్దనకు||

నువ్ లేనీ ఈ సమయానా..
నాకెంతో నరక యాతన..
విరహాగ్నిలో నే దహించుకుపోనా..
వాయువునై నిను స్పృశించి పోనా..

వొద్దొద్దు..అంత మాటలొద్దు..ఉండలేను...
నువ్ లేని క్షణం..నేనైనా మనగలనా..
తనువులు వేరైనా మన మనసొక్కటే..
కనులు వేరైనా కల ఒక్కటే ...
నిను చేరెందుకే నాకీ జన్మ..
చెంతకు రావోయ్ నా ముద్దుల కన్నా..

హ్హహహ్హ హ్హ...||వద్దనకు||