కుక్క పిల్లా..అగ్గిపుల్ల..సబ్బుబిళ్ళా..

నీ చిట్టి చిట్టి పాదాలు..
పారాడిన చాలు..
పరవశించు మా హృదయాలు..
చిన్ని కన్నుల కోర చూపులు..
గారాలు బోవు కూని రాగాలు...
వాలము తో వ్యవహారాలు.
ఇంత ప్రేమ చూపెడిదెవరీ పిల్లా..
ఇంకెవరమ్మా... నా కుక్క పిల్లా..

తరచి తరచి చూడ..
తనువు కట్టె..
తనువు పైన జూడ ..
మకుటమెట్టె..
తట్టి తట్టి చూడ ..
వెలుగును చూపెట్టె..
అదియొకటి గలదే..
పంచభూతములెల్ల..
వేరొకటి గాదది అగ్గిపుల్ల..

తనువు సొగసు చూడ ..
తను లేక కల్ల..
పట్టుకొను జూడ ..
పట్టుబడదే..
రవి గాంచని..కవి గాంచని..
చోటేది కానీ..
తను గాంచిన చోటల్లా..
పరిమళాలే ...
పొడుగు పొడుపులేలా..
వినుడి జనులారా..
తన పేరు వేరు గాదు సబ్బుబిళ్ళా..