కూడు
లేదు..గుడ్డ లేదు..
బతికేందుకు
దమ్ము లేదు
దొరా
మమ్ము సంపకురో
మా
గరీబోళ్ళ కడుపు కొట్టి
గంజి
తాపి పండవెట్టి
దొరా
మమ్ము సంపకురో
కూలి
లేదు నాలి లేదు
అమ్మేందుకు
పుస్తె లేదు .
ఐనగానీ..
కిస్తి
కట్టమందువా .
దొరా
మమ్ము సంపకురో..
సదువు
లేదు.. సంజె లేదు
నీకు
సాటిరాము.. సత్తులేదు
దొరా
మమ్ము సంపకురో
బువ్వలేదు
జావలేదు ..
గుక్కెడైన
నీరు లేదు..
ఐనగానీ..
నీ ఈత కొలను తాకలేము..
దొరా
మమ్ము సంపకురో
గుడిసె
కాదు తడిక కాదు..
గూడున
బతికేస్తున్నం..
గుట్టుగా
బతికేస్తున్నం..
ఐనగానీ...
నీ
బంగళా మాకొద్దురో..
దొరా
మమ్ము సంపకురో..
నీ
ఇంటి బయిట..నీ ఇంటి
బయిట..
నీ
ఇంటి బయిట దిష్టి బొమ్మలమనుకోరా...
ఓ..దొరా
మమ్ము సంపకురో.
No comments:
Post a Comment