పునరుజ్జీవం

ఆగిపోయింది అనుకున్న కలం..
 కొత్త ఊపిరి పోసుకుని కేరింతలు కొడుతుంది..

ఎనిమిదేళ్ళ ఎడబాటుని ఎడం చేద్దామనుకుంటుంది

చూద్దాం ఈ మురిపెం ఎన్నాళ్ళో...
గజిబిజి బ్రతుకుల రణగొణ ధ్వనుల మధ్య ఎంత కాలం మనగలుగుతుందో..
ఐనా నా పిచ్చిగానీ.. ఇంత జీవితం మాత్రం ఏం నేర్పిందని..
అదే అసహనం అదే నిర్లక్ష్యం..
అంతర్వాహిని ఎన్నో చెప్పాలనుకున్నా..చెప్పనిచ్చే సమయమిచ్చానా ..
లేదు.
ఇక మన్నించే ఓపిక లేక..
కలం నన్ను పూర్తిగా కాదనుకునే లోపే కళ్ళు తెరవాలనే..
ఈ చిన్న మరు ప్రయత్నం ..